Gjennomfør evalueringsmøte. Alle involverte partar drøftar i kva grad tiltaka har ført til endring i situasjonen til barnet/ungdommen. Hugs å få med barnet si oppleving av endring.

Blei planlagde tiltak gjennomført og følgt opp?
Har tiltaka hatt effekt?
Møter tiltaka behovet til barnet/ungdommen godt nok?
Er det behov for andre/ytterlegare tiltak?

På bakgrunn av evalueringa de har gjort, fatt ei avgjerd om vegen vidare. Moglege utfall av evalueringa:

Tiltaka har hatt ønska effekt, det er ikkje lenger grunn uro. Avslutt loggen.
Tiltaka har effekt, men de er framleis ikkje i mål og arbeidet held fram. Avtal nytt tidspunkt for evalueringsmøte. Gå tilbake til Nivå 2 - steg 2.
Tiltaka har ikkje gitt ønska effekt. Det vert vurdert at andre tiltak kan setjast i verk innanfor eiga eining. Gå tilbake til Nivå 1- steg 3.
Tiltaka har ikkje gitt ønska effekt. De ser behov for hjelp frå eksterne tenester og drøftar vidare innsats.
- Kven kan hjelpe? Sjå oversikt over Tiltak og tenester for barn og unge i kommunen og
- Vurder aktuelle samarbeidspartnarar. Dersom saka blir løfta til nivå 3, er det viktig å få samtykke frå føresette til å involvere nye eksterne tenester.
- Kontakt aktuell teneste og avklar kva som må setjast i gang (tilvising, søknad, melding e.a.) før aktuell teneste vert involvert. Stafetthaldar kvalitetssikrar eventuell riktig tilvising/melding. Gå til Nivå 3.

NB! Barnet/ungdommen har rett til å seie si meining i alt som vedkjem det, og barnet sine meiningar skal vektleggjast.